ساجية الروح الخميس مارس 19, 2009 7:22 amdoPoem(0)
وش هي حياتي ؟! غير همّ و غرابيل ودموع عين ٍ تالـي الليـل أمطـار |
هَلّت وكني من سببها وسـط سيـل غارق في وحله والرجا صار منهـار |
اصرخ انادي ومابه احدٍ سوى الليـل لا الولف يمّي لا ولانسـل الاحـرار |
ماغير حبري و الـورق و المناديـل اكتب وامسح دمعتي من لظى النـار |
اللـي بجوفـي شعّلوهـا المجاهيـل اللي لهـم شيّـدت فـي داخلـي دار |
وفيت معهـم رغـم كـل البهاذيـل وعطيتهم مفتـاح قلبـي والاسـرار |
ماقلت يمكـن او نهجـت التأآآويـل ابـداً ولاشككـت فيهـم ولا صـار |
ماغيـر اشواقـي تجيهـم هماليـل وتحيا بها ارواحهـم مثـل الازهـار |
لكن انا !!! مهمل ومنطـول تنطيـل وماطلت منهم غير جروحي والامرار |
حسبي عليهم كـان يبغـون تنكيـل فيني عساهم حكـم قصّـام الاعمـار |
يالله ربـي ياعسـاهـا تساهـيـل في وجه منهو ناهـجٍ درب الاخيـار |
صادق وعمـره ماعـرف لتماثيـل سبحانك اعلم بـه ياعـلام الاقـدار |
